لكل اهل بلدي وطايفتي سلام
هذا اللي فش زيو ولا بعدو حب، احنا منفهم الامور غلط، ساعه اغراء ممكن تخرب بيوت وعائلات وساعه رضا وقناعه ممكن تعمر بيوت الها اساس ما بينهز، احنا عايشين في عالم مغريات الها اول واخر ما الها.
ليست لدي عاده اكتب ولا اعقب لكن اريد ان اوصل رساله من القلب انشاءالله تدخل عقل شبابنا وصبايانا وللكل. انا امراه بسن الثلاثين وعندي اولاد, كلامي موجه للكل.
عزيزتي وعزيزي.. اللي عمبيصير اليوم في مجتمعنا جهل وقله وعي وعدم انفتاح وتفسير للامور بشكل خاطئ، النشوه والكيف اللي عمتحسوا او تحكوا عنو عابر وفاني ولما كل واحد يروح عبيتو الطرف الثاني من المعاشره بيكون رخيص.
هون فش حب في متعه فانيه ما بتستاهل تفضلوها على حب حقيقي ونشوه تضل كل ساعه ودقيقه في القلب، لما توقعوا في مشكله ولا حدا كنتوا معو لهدف المتعه رايحين تلاقوا، بالعكس بدو يتجنبكن، بدو يبعد واعلان عدم المسؤوليه مش زي حب حقيقي يضمكن عصدره وتسمعوا في دقات قلبه انا معك والك، البي الخي الزوج الحبيب الابن الام الاخت البنت بيعطوا قوه ومتعه ونشوه... غير طبعا اولا واخيرا نشوه حب الخالق الكن.
هذا اللي فش زيو ولا بعدو حب، احنا منفهم الامور غلط، ساعه اغراء ممكن تخرب بيوت وعائلات وساعه رضا وقناعه ممكن تعمر بيوت الها اساس ما بينهز، احنا عايشين في عالم مغريات الها اول واخر ما الها، بس لما نشبع من لقمه لبنه في الحلال الضمير بيرتاح ولما نشبع من مشاوي حرام بس يصحى الضمير رح يموت ميه والف مره والنتيجه وحده البطن مليان، بعدين احنا لوين بدنا نوصل؟ انفتاح؟؟؟
عمتقولوا متعلمين ومثقفين، بس شو خص الثقافه في خيانات البعض وزنا البعض وفلت البعض؟؟؟ فش علاقه صدقوني، الثقافه في متعه العقل مش متعه الجسد ، مرات بقول عندي ضيقه والحمدلله انها عندي لانو ضمه جوزي وخيي وبيي بتحسسني اني في الجنه، ولما بضم ابني كل يوم بعد المدرسه وبيقلي منيح اللي انتي امي احساس انك في قمه العالم اسا مش رايحين تحسوا، وسؤال لكل ام, بس يصير عندك بنت اذا صار بدك تخليها تترك الجوهر وتلحق المتعه والمظهر؟ واذا متزوجتيش مين رح يوقف حدك وانتي في امس اللحظات لحضن يضمك؟
ما حدا بيخلد بالهدنيا وما حدا بيضل شب لاخر عمرو، التوبه ولا اي جيل او عمر بترفض الانسان بالعكس، التوب مقبوله كل لحضه وساعه وثانيه وفاتحه ايديها وعمتستنى.
صديقتي وصديقي يا شباب مجتمعنا مش ذكوري اذا الولد بيتربى زي البنت من اليوم ورايح رح نصير مجتمع اكبر من اللي بتتوقعوه، اذا ضل معنى لكلمه تربيه عند البعض اليوم، العلم والثقافه والحدود الصح هي اساس مجتمع قوي وحضاري ، وكل واحد يحاول يبلش التغيير في بيتو رح تكون الثمار اطيب بكثير من اللي عمناكلها اليوم
انا بحب مجتمعي وغيرتي عليه خلتني احكي، واحترام لطايفتي المييزه مع احترامي وحبي لجميع الطوايف، اسفه اذا كلامي كان قاسي في بعض الجمل بس بدي جيل الاولاد اللي عمتكبر تغدر تصلح اشياء خربناها او نسيناها. وتقدر الطريق والحياه اللي عايشينها لانها غاليه، روحوا لاقوا الحب الحقيقي وشوفوا كيف راحه النفس والبال بتغنيكوا عن كل اشي.
كتبت بالعاميه عشان اغدر وصل كلامي, يا ريت يكون وصل من القلب للقلب.
